naser
05-23-2007, 04:30 PM
اول شي بدي منكم لا تواخذوني على كتابتي ولهجتي الحلبية الي ما بعرف غيرها بالدنا
تاني شي بدي عرفكم على حالي :
انا الفقير لله المدعو سعدو الحلبي .برمضان الي بدو يجي بيصير عمري 43 سنة لان امي
ولدتني برمضان وابوي كيف وصار عندو العيد عيدين لما اجيت عالدنا.
انا طلعت من المدرسة من الصف السادس ولحقت مصلحة ابوي (مزرء )على قولة ابوي مصلحة دهب
ومن عمري 10 سنين مسكت الكريك والمالة والقّدة واشتغلت طيان مع ابوي وبذكر انو رفيقو لابوي المبلط ابو بكري
كان يقلو لابوي ( اجردو )بالشغل وخليه يصير معلم .
ساكن هلئ بحي السكري العريئ حوش ارضي مستأجرها من ابو عبدو الفوال جاري الي كان عندو بسطة فول صار من اهل الملك
ما عبحسدو الله يذيدو من نعيمو بس الفول ربيح وبيجيب قرش وفكرت مرة اشتغل فول بس ما عرفت ايدي خشنين من الجمنتو والنحاتة.
بطلع من الصبح من بيتي بالباظ وبنزل بباب جنين وباخد سربيس حسب محل الورشة الي عبشتغل فيا.
امبارحة سمعت بالليل صوت عمال وصوت جبالة عبيشتغلو بالليل اجئ يعني عبعمرو طابق 8 فوق بيتي والبناي من اساسا حوش عربي
يعني لا اساس ولا يحزنون .
الله وكيلكم فئت الصبح كانت الحوش خالصة صب وعمار وكل شي يعني ب4 او 5 ساعات طلع طابئ مخالف وجاهز للسكن وعلى مبدء
الله بيستر على البيستر .
ومنسمع كل فترة وفترة طبت بناية ومات شي ما بعرف كم شخص من طمع هالتجار وفقر الي بدو يسكن وينستر.
يا ناس يا عالم يا هو يا سامعين الصوت ارحمو من في الارض يرحمكم من في السماء .هدول بشر الي عبيموتو ولا دبان؟ وين البلدية والقطاع
والمحافظة ليوقفو هالتجاوزات الي عبتصير بمناطق المخالفات بحلب؟
حلب حلوة واهلا طيبين وبسيطين عطوّن شوية اهتمام وحنية وخدو ضرايب وعبو المالية.
الى اللقاء بالحلقة الجاي
سعدو الحلبي
تاني شي بدي عرفكم على حالي :
انا الفقير لله المدعو سعدو الحلبي .برمضان الي بدو يجي بيصير عمري 43 سنة لان امي
ولدتني برمضان وابوي كيف وصار عندو العيد عيدين لما اجيت عالدنا.
انا طلعت من المدرسة من الصف السادس ولحقت مصلحة ابوي (مزرء )على قولة ابوي مصلحة دهب
ومن عمري 10 سنين مسكت الكريك والمالة والقّدة واشتغلت طيان مع ابوي وبذكر انو رفيقو لابوي المبلط ابو بكري
كان يقلو لابوي ( اجردو )بالشغل وخليه يصير معلم .
ساكن هلئ بحي السكري العريئ حوش ارضي مستأجرها من ابو عبدو الفوال جاري الي كان عندو بسطة فول صار من اهل الملك
ما عبحسدو الله يذيدو من نعيمو بس الفول ربيح وبيجيب قرش وفكرت مرة اشتغل فول بس ما عرفت ايدي خشنين من الجمنتو والنحاتة.
بطلع من الصبح من بيتي بالباظ وبنزل بباب جنين وباخد سربيس حسب محل الورشة الي عبشتغل فيا.
امبارحة سمعت بالليل صوت عمال وصوت جبالة عبيشتغلو بالليل اجئ يعني عبعمرو طابق 8 فوق بيتي والبناي من اساسا حوش عربي
يعني لا اساس ولا يحزنون .
الله وكيلكم فئت الصبح كانت الحوش خالصة صب وعمار وكل شي يعني ب4 او 5 ساعات طلع طابئ مخالف وجاهز للسكن وعلى مبدء
الله بيستر على البيستر .
ومنسمع كل فترة وفترة طبت بناية ومات شي ما بعرف كم شخص من طمع هالتجار وفقر الي بدو يسكن وينستر.
يا ناس يا عالم يا هو يا سامعين الصوت ارحمو من في الارض يرحمكم من في السماء .هدول بشر الي عبيموتو ولا دبان؟ وين البلدية والقطاع
والمحافظة ليوقفو هالتجاوزات الي عبتصير بمناطق المخالفات بحلب؟
حلب حلوة واهلا طيبين وبسيطين عطوّن شوية اهتمام وحنية وخدو ضرايب وعبو المالية.
الى اللقاء بالحلقة الجاي
سعدو الحلبي