المفاضلة

[جاردينيا]

يا أصدقاء
هل هندسة الحاسبات أفضل ام الاتصالات ام الهندسة المدنية
وماهي مجالات العمل الخاص لكل منها
رجاء ساعدوني في ترتيب هذه الهندسات في بطاقة المفاضلة حسب خبرتكم

[Dania]

بعتذر يا عزيزتي انا ما عندي فكرة عنهم
بس انا برأي خلي اول رغبة هندسة اتصالات ...لأنها لغة العصر
بعرف كتير ناس درسو هندسة اتصلالات .وبعد تخرجهم كانو مطلوبين من كتير شركات
الله يوفقك .........وأكيد إلا ما يكون في حدا يساعدك

[جاردينيا]

شكراً دانيا
بس ياريت اذا حدا عنده فكرة كمان يساعدني

[Dani]

يا ريت فيني ساعدك أخت جاردينيا .. بس حسب ظني إنو هندسة الاتصالات أفضل .. موفقة يا رب

[قيصر]

بكل تاكيد ...الهندسة المدنية افضل ...ولاحظي يا سيدتي ان مجالاتها اوسع واعمق بكثير من الاختصاصين الباقيين ..........
ويكفي انها تجعلكي لدراسة اي شيء اخر في الحياة ....وهذا كلام مجرب وبكل صدق ...
والله الموفق
ــــــــــــــــــــــــــــــــــــــــــــــــــ ــــــــ قيصر

[جاردينيا]

شكرا
لكم جميعا ويارت نستمر بالمشاركة لانه ارائكم مفيدة

[Dania]

بصراحة غاردينيا انتي دوختيني .ودوختيني كتير
مدام انتي مهندسة وموظفة متل ما قلتي بموضوعك هاد
http://www.aleppogate.com/upload/showthread.php?t=15162

فلشو هلأ عم تسألي عالمفاضلة .وانو شو بدك تختاري
يعني عفوا منك بس حددي شو انتي وشو بدك

[جاردينيا]

والله معك حق
أنا دارسة هندسة غذائية
بس عمسأ ل من شان أخوي
والله أنا ما بعرف شي عن هالهندسات الثلاثة الي عمال اسالكم عنهن
بعتذر كان لازم وضح من الاول

[viv]

عزيزتي ... لقد سألت لك عن هالموضوع إحدى خريجات هندسة التحكم في جامعة حمص فقالت لي بأن هندسة الأتصالات هي هندسة كهرباء في السنوات الأربعة الأولى
هذا ما علمته أنا .. وبالتوفيق ...
يبدو أن أراءنا ستزيد من الحيرة :)

[samer_1]

أكيد الهندسة المدنية أفضل و رح تدر دخل كتير كبير و خصوصا اذا تخرجتي او تخرج أخوكي او أبنك (ما بعرف مين المقصود) وتم التوظيف في قطاع البلدية.........

شو رأيك يا قيصر

[باسل حلب]

عزيزتي انا مهندس مدني ...ورح انصحك بالهندسة المدنية لأن دراستها اشمل ومجالاتها اوسع وكذلك فرص عملها اكبر اما اذا كانت النظرة من ناحية مادية ..مين بيجيب دخل اكتر اذا كان موظف عند الدولة مثلك فالكل متساوون بالتعتير وانت ادرى بالرواتب اما اذا كان بالقطاع الخاص ففرص العمل بسوريا لكل الأختصاصات نسبياً قليلة...ودخلها متواضع ايضاً ولكن مجالات العمل في غير دول للمهندس المدني اوسع ودخلها اكبر
لذلك خليه يشتغل شغلة حرة من الآن ولا يضيع وقته مثل ماساوينا (عبمزح طبعا)

[جاردينيا]

الله يعطيكم العافية
شكرا جزيلا للجميع